அம்மா....

மழையில் நனைந்து கொண்டே

வீட்டிற்கு வந்தேன்..

குடை கொண்டு போக

வேண்டியது தானே - அண்ணன்...

எங்கேயாவது ஒதுங்கி நிக்க

வேண்டியது தானே - அக்கா..

ஜலதோஷம் பிடிச்சி செலவு

வைக்க போற - அப்பா..

என் தலையை முந்தானையால்

துவட்டியவாறே திட்டினாள் - அம்மா..

என்னை அல்ல...

மழையை..

**********************

நீ வேண்டும்..!

நீ என்னுடன் எப்போதும் பேச வேண்டும்

என்று நான் சொல்லவில்லை..

என்றாவது நான் பேசும் போது

யார் நீ

என்று கேட்காமல் இருந்தால் சரி..

****************

 அவள் பார்வையில் 

மின்னலே..

உன்னை ஒருமுறை பார்த்தால்

கண்களை எரித்துவிடுகிறாய்..

ஒருமுறை அவள் கண்களை

நேருக்கு நேர் பார் நீயே

எரிந்து விடுவாய்..

****************

நினைவுகள்

உன்னை

அதிகமாய் நினைப்பதாலோ

என்னவோ..

என்னை

நினைப்பதை

மறந்து விட்டேன்...

**************

மீண்டு(ம்) வருவாய்...!

எப்போதும் என்னுடனே

இருப்பேன்..

நீ சொன்ன நினைவு

என்னை வாட்டிக்கொண்டு

இருக்கிறது!!

எப்போது வருவாய்

என்னிடம்..

****************

காதலின் அழுத்தம்

உன் கரம் கோர்த்து

விரல்களிடையே விரல் நுழைத்து

நடக்கையில் தான் தெரிந்தது....

என் மேல் நீ

வைத்திருந்த காதலின்

அளவு என்னவென்று!!

*********************

பொய்...

நான் நினைக்கும்போதெல்லாம்

விக்கல் வருமென்றால்,

அவள் எப்போதோ இறந்திருப்பாள் விக்கியே.
.
*********************

தமிழ் ஜி.எம்.எஸ். தளத்திற்காக....

ஸ்வீடனிலிருந்து   ஜோஸ்....